อปริยาปนฺเน เอตฺถ ภวราคานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติฯ
(ก) ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ ตตฺถ อวิชฺชานุสโย นานุเสตีติ? อามนฺตาฯ
(ข) ยตฺถ วา ปน…เป.…? อามนฺตาฯ (ปญฺจกมูลกํ)
[55] (ก) ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺติ ตตฺถ อวิชฺชานุสโย นานุเสตีติ? อามนฺตาฯ
(ข) ยตฺถ วา ปน อวิชฺชานุสโย นานุเสติ ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺตีติ? อามนฺตาฯ (ฉกฺกมูลกํ)
(จ) ปฏิโลมปุคฺคโลกาสา
[56] (ก) ยสฺส ยตฺถ กามราคานุสโย นานุเสติ ตสฺส ตตฺถ ปฏิฆานุสโย นานุเสตีติ?
ติณฺณํ ปุคฺคลานํ ทุกฺขาย เวทนาย เตสํ ตตฺถ กามราคานุสโย นานุเสติ, โน จ เตสํ ตตฺถ ปฏิฆานุสโย นานุเสติฯ เตสญฺเญว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ กามราคานุสโย จ นานุเสติ ปฏิฆานุสโย จ นานุเสติฯ ทฺวินฺนํ ปุคฺคลานํ สพฺพตฺถ กามราคานุสโย จ นานุเสติ ปฏิฆานุสโย จ นานุเสติฯ
(ข) ยสฺส วา ปน ยตฺถ ปฏิฆานุสโย นานุเสติ ตสฺส ตตฺถ กามราคานุสโย นานุเสตีติ?
ติณฺณํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ ปฏิฆานุสโย นานุเสติ, โน จ เตสํ ตตฺถ กามราคานุสโย นานุเสติฯ เตสญฺเญว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ ปฏิฆานุสโย จ นานุเสติ กามราคานุสโย จ นานุเสติฯ ทฺวินฺนํ ปุคฺคลานํ สพฺพตฺถ ปฏิฆานุสโย จ นานุเสติ กามราคานุสโย จ นานุเสติฯ
(ก) ยสฺส ยตฺถ กามราคานุสโย นานุเสติ ตสฺส ตตฺถ มานานุสโย นานุเสตีติ?